Наурыз мерекесіне арналған ертеңгіліктер

19.04.- 21.04.2023ж. күндер аралығында Ұлыстың ұлы күні - Наурыз мейрамын тойлау мақсатында балабақшамыздың барлық топтарында ертеңгіліктер өткізілді. Қазіргі эпидемиялық хал-ахуалға байланысты топтардың бірігуімен емес, әр топта бөлек өткізілді. Десек те, топ ертеңгіліктері балалардың көңіл-күйін көтеріп, жақсы мерекелік іс-шара болды. Ертеңгілік барысында әр топтың барлық балалары түгелімен қатысып атсалысты. Ата-аналар видео арқылы ертеңгіліктерді тамашалады.  Бірі Наурыз күніне арналған тақпақтарын жатқа айтып, енді бірі би билеп, ән шырқады. Сонымен бірге, қазағымыздың ұлттық ойындары да ұмытылмай ойнатылды. Наурыз мейрамы - ұлттық құдылықтарымызды дәріптеп, оны өскелең ұрпаққа дұрыс жеткізу күні. Ертеңгіліктер барысында тәрбиешілер балаларға бұл мерекенің мән-мағынасын түсіндіріп, біз үшін асыл күндердің бірі екенін ұғындырды. Түрлі сахналық көріністер де балаларымызға әдет-ғұрып, салт-санамыздың бір бөлшегі екенін көрсетті. Күн мен түн, қария, әже, немере сынды кейіпкерлер өз рөлдеріне еніп, бата мен нақыл сөздерін айтып берді.